تل ابیب (این این آئی)اسرائیل کے ریٹائرڈ فوجی اور انٹیلی جنس عہدیداروں نے امریکی صدر جو بائیڈن کو ایک خط تحریر کیا ہے جس میں انھوں نے امریکی صدر کو ایران کے ساتھ نیوکلیئر معاہدے کی طرف لوٹنے سے خبردار کیا ہے ۔اسرائیلی خط کے مطابق جوہری معاہدے کا احیا دراصل اسرائیل کی بقا کے لیے خطرہ ہے ۔ خط میں اس بات پر بھی زور دیا گیا ہے کہ جوہری معاہدے کی طرف دوبارہ رجوع سے خطے میں جوہری ہتھیار بنانے کی دوڑ شروع ہو جائے گی۔