اسلام آباد (خصوصی نیوز رپورٹر)وفاقی وزیر سائنس وٹیکنالوجی فواد چودھری نے واٹس ایپ پرائیویسی پالیسی کے حوالے سے اتوار کو اپنے ایک ٹویٹ میں کہا ہے کہ واٹس ایپ پرائیویسی پالیسی صارفین کے حساس ڈیٹا کی شیئرنگ کی اجازت دیتی ہے ۔انہوں نے کہا شہریوں کی پرائیویسی کے تحفظ کے لئے وزارت سائنس مضبوط ڈیٹا پراٹیکشن قوانین متعارف کروانے پر غور کر رہی ہے ،ایک طرفہ سوچ کی بجائے ایسی پالیسز کی تشکیل مشاورت کے بعد کی جانی چاہئے تھی۔