لا ہو ر (کر ائم ر پو رٹر)سربراہ لاہور پولیس غلام محمود ڈوگر نے تھانہ مصری شاہ اور تھانہ اچھرہ کی حدود میں شہریوں کے گلے پر ڈور پھرنے سے زخمی ہونے کے واقعات کا سختی سے نوٹس لیا ہے ۔ایڈیشنل آئی جی غلام محمود ڈوگر نے ڈویژنل ایس پیز سے اس حوالے سے تفصیلی رپورٹ بھی طلب کر لی ہے ۔ ایڈیشنل آئی جی غلام محمود ڈوگر نے کہاہے کہ پتنگ بازی، پتنگ فروشی اور پتنگ سازی کرنے والوں کو آڑے ہاتھوں لیا جارہا ہے ۔ دریں اثنا سی سی پی او لاہور ایڈیشنل آئی غلام محمود ڈوگرنے کہا ہے کہ لاہور میں کلاشنکوف کلچر کی کوئی گنجائش نہیں۔شہر میں اسلحہ کی تشہیر کسی صورت قابل قبول نہیں۔