تہران(نیٹ نیوز) ایران میں سپریم لیڈر آیت اللہ علی خامنہ ای نے خواتین کارٹون کریکٹرز کیلئے بھی حجاب کو لازمی قرار دے دیا۔ سپریم رہنما نے اپنے بیان میں کارٹونز اور اینی میٹڈ فلمز میں خواتین کریکٹرز کیلئے بھی حجاب کو لازمی قرار دیا ہے ۔ ایک ٹی وی پروگرام میں خامنہ ای سے سوال کیا گیا کہ کارٹون کریکٹرز کیلئے حجاب کیوں ضروری ہے تو انہوں نے کہا کہ اگرچہ اس طرح کی فرضی صورتحال میں حجاب کرنا خود سے ضروری نہیں لیکن حجاب نہ پہننے کے نتائج کو دیکھا جائے تو اینی میشن میں حجاب کی ضرورت ہے ۔