اسلام آباد( آن لائن ،نیٹ نیوز )ایشیائی ترقیاتی بینک نے پاکستان کے لیے 30 کروڑ ڈالر قرض منظور کر لیا۔اے ڈی بی کی جانب سے سوشل میڈیا پر جاری بیان میں کہا گیا ہے کہ منظور 30 کروڑ ڈالر سے پاکستان میں مائیکرو اکنامک استحکام لانے میں مدد ملے گی۔ایشیائی ترقیاتی بینک کی جانب سے مزید کہا گیا ہے کہ پروگرام کے ذریعے پاکستان میں ٹیکسوں کے نظام میں اصلاحات متعارف کرائی جائیں گی اور برآمدات میں اضافے کے لیے مسابقتی رجحان پیداکیا جائے گا۔چند ماہ قبل اے ڈی بی نے پاکستان کے لیے 50 کروڑ ڈالر قرض کی منظوری دی تھی جب کہ اس سے قبل ایشیائی ترقیاتی بینک نے پاکستان کے لیے ایک کروڑ 50 لاکھ ڈالر قرض منظور کیا تھا۔