راولپنڈی(مانیٹرنگ ڈیسک)بھارت کنٹرول لائن کی خلاف ورزیوں سے بازنہ آیا۔ لا ئن آف کنٹرول پر معصوم شہریوں پر ظلم وبربریت کی انتہا کردی۔آئی ایس پی آر کے مطابق بھارتی فوج نے ایل اوسی کھوئی رٹہ سیکٹرمیں شہری آبادی کونشانہ بنایا۔ بھارتی فائرنگ اور شیلنگ سے 6 خواتین اور4 بچوں سمیت 11 شہری زخمی ہوگئے ۔ بھارتی فوج نے شادی کی تقریب پر راکٹس اوربھاری گولہ باری کی ،شادی کی تقریب جگجوٹ گائوں میں جاری تھی کہ بھارتی فورسز نے گولہ باری سے اس کو نشانہ بنایا۔ آئی ایس پی آر کے مطابق بھارتی فورسز نے جان بوجھ کر شہری آبادی کو نشانہ بنایا جو اس بات کا ثبوت ہے کہ بھارت اخلاقیات کی تمام حدودوقیود بھول چکا ہے ۔ بھارتی فورسز کے عمل نے ثابت کردیا کہ وہ غیر پیشہ ورانہ ہیں۔