نئی دہلی(نیٹ نیوز) بھارت میں شدت پسند نظریات والی مودی سرکار نے مسلمانوں کیخلاف منظم مہم شروع کر رکھی ہے ، جسکے تحت مختلف شہروں اور مقامات کے مسلم نام بھی تبدیل کئے جا رہے ہیں تاہم اب مودی سرکار نے پھلوں کے نام بھی تبدیل کرنا شروع کر دئیے ہیں، مودی کی آبائی ریاست گجرات میں ’’ ڈریگن فروٹ‘‘ نامی پھل کا نام تبدیل کرنے کا فیصلہ کیا گیا ہے ،ریاستی وزیراعلیٰ وجے روپانی نے کہا اس پھل کا نام مناسب نہیں اور اسکا چین سے بھی تعلق ہے ، یہ پھل کنول کے پھول کی مانند دکھائی دیتا ہے اس لئے ہم اس کا نیا نام کمالم رکھیں گے ۔