روم (این این آئی )امدادی بحری جہاز اوشن وائکنگ نے بحیرہ روم میں 370 مہاجرین کو ڈوبنے سے بچا لیا ہے ، ان میں تقریبا ایک سو ستر کم عمر بچے ہیں اور ان میں سے بھی تقریبا130 تنہا سفر کر رہے ہیں۔ غیرملکی خبررساں ادارے کے مطابق اس جہاز کے عملے نے مالٹا اور اٹلی کی حکومت سے اپیل کی کہ مہاجرین کو ان ممالک کے ساحلوں پر اتارنے کی اجازت دی جائے ۔ جہاز کے عملے کے مطابق خراب ہوتے ہوئے موسم کے باعث ان پناہ گزینوں کو کسی ساحل پر اتارنا ضروری ہو چکا ہے ۔ جن مہاجرین کو بچایا گیا ہے ، ان میں تقریبا ایک سو ستر کم عمر بچے ہیں اور ان میں سے بھی تقریبا130 تنہا سفر کر رہے ہیں۔