لاہور(سپورٹس رپورٹر) رانا ظہیر ہاکی اکیڈمی کے زیر اہتمام منعقد ہونے والے دوسری نائن اے سائیڈ سپر ہاکی لیگ میں مزید دو میچوں کا فیصلہ ہو گیا۔لاہور ڈولفنز اور لاہور لائینز کی ٹیموں نے اپنے اپنے میچز جیت لیے ۔نیشنل ہاکی سٹیڈیم لاہور میں منعقدہ لیگ کے دوسرے روز پہلا میچ لاہور لائینز اور لاہور پینتھرز کی ٹیموں کے درمیان کھیلا گیا۔ جس میں لاہور لائینز نے ایک کے مقابلے چار گول سے کامیابی اپنے نام کی۔ دوسرے میچ میں لاہور ڈولفنز اور لاہور ٹائیگرز کے درمیان سخت مقابلہ دیکھنے میں آیا۔ مقررہ وقت تک میچ ایک ایک گول سے برابر ہونے کی وجہ سے فیصلہ پنلٹی شوٹ آوٹ پر ہوا جس میں لاہور ڈولفنز نے تین کے مقابلے چار گول سے کامیابی اپنے نام کی۔