واشنگٹن ( ندیم منظور سلہری سے ) پاکستانی امریکن کمیونٹی شکاگو کی ممتاز شخصیت اور ڈیموکریٹک پارٹی کے سرگرم رہنما آصف ملک ٹاؤن شپ ٹرسٹی کا الیکشن بھاری اکثریت سے جیت گئے ۔ آصف ملک نے کہا یہ کامیابی پاکستانی کمیونٹی کی کامیابی ہے ، وہ اپنے ملک کا نام روشن کرنے کیلئے امریکہ کے ہر فورم پر اپنی بہترین صلاحیتوں کا مظاہرہ کرینگے ۔ انکے حلقے کے لوگوں نے جس طرح انہیں کامیاب کر کے اعتماد کا اظہار کیا ہے وہ اسے کبھی ٹھیس نہیں پہنچائیں گے ۔ انہوں نے پاکستانی کمیونٹی کو پیغام دیا کہ وہ امریکی سسٹم کا حصہ بن کر اپنی صلاحیتوں کے جوہر دکھائیں۔