لاہور(سپورٹس رپورٹر) کامران غلام کی تاریخ ساز کامیابی 37 سالہ پرانا ریکارڈ توڑکر قائد اعظم ٹرافی کے ایک سیزن میں سب سے زیادہ رنز بنانے کا ریکارڈ قائم کر دیا، اپر دیر میں پیدا ہونے والے خیبر پختونخوا کے کامران غلام نے اتوار کو سنٹرل پنجاب کے خلاف فائنل کے تیسرے روز قائد اعظم ٹرافی کی اس وقت نئی تاریخ رقم کر دی انہوں نے یہ اعزاز فائنل میچ کے تیسرے روز کے تیسرے سیشن میں دوسری اننگز میں جب 77 واں رنز لیا تو حاصل کیا ۔کامران غلام نے سابق انٹرنیشنل کرکٹر سعادت علی کا 37 سالہ پرانا 1217 رنز کا ریکارڈ توڑا اور تاحال وکٹ پر موجود ہیں۔