کراچی (سٹاف رپورٹر ) سندھ اسمبلی میں اپوزیشن لیڈر حلیم عادل شیخ اور سمیر میر شیخ کی ضمانت مشکل میں پڑ گئی۔ بدھ کوانسداد دہشتگردی عدالت میں حلیم عادل شیخ اور سمیر میر شیخ کی درخواست ضمانت کے معاملے پر سماعت ہوئی۔انسداد دہشتگردی عدالت نے ضمانت کا مقدمہ ایک بار پھر دوسری عدالت منتقل کردیا، حلیم عادل شیخ اور سمیر میر شیخ کی درخواست ضمانت کی سماعت اب اے ٹی سی 3 میں ہوگی، اس سے قبل منتظم عدالت نے ضمانت کی درخواست اے ٹی سی 16 میں منتقل کی تھی جبکہ انسدادہشتگردی عدالت 16 کے جج نے درخواست ضمانت کی سماعت سے انکار کردیا ہے ۔