لاہور(سپورٹس رپورٹر) قومی ڈومیسٹک کرکٹ میں پاکستان کپ کے تیسرے راؤنڈ میں خیبرپختونخوا ، سندھ اور ناردرن نے اپنے اپنے میچ جیت لئے ، صاحبزادہ فرحان اور خرم منظور نے شاندار سنچریاں سکور کیں۔ سٹیٹ بنک سٹیڈیم کراچی میں کھیلے گئے میچ میں خیبرپختونخوا نے صاحبزادہ فرحان کی155 رنز کی اننگز کی بدولت بلوچستان کو 2 وکٹوں سے ہرادیا۔ کے پی نے س 378 رنز کا ہدف 8 وکٹوں کے نقصان پر 2 گیندیں قبل حاصل کرلیا۔ اوپنر صاحبزاد ہ فرحان نے 155 رنز کی اننگز کھیلی۔ سندھ نے سنٹرل پنجاب کو 6 وکٹوں سے ہرادیا۔سندھ نے 288 رنز کا مطلوبہ ہدف 46.5 اوورز میں 4 وکٹوں کے نقصان پر حاصل کرلیا۔ خرم منظور نے 119 رنزکی شاندار اننگز کھیل کر ٹیم کی جیت میں اہم کردار ادا کیا۔یو بی ایل اسپورٹس کمپلیکس کراچی میں کھیلے گئے میچ میں ناردرن نے سدرن پنجاب کو 57 رنز سے ہرادیا۔