اسلام آباد،راولپنڈی(سپیشل رپورٹر،92نیوزرپورٹ) بھارتی فورسز نے کنٹرول لائن لائن پر فائر بندی معاہدے کی سنگین خلاف ورزی کرتے ہوئے گزشتہ روز چری کوٹ سیکٹر پر بلااشتعال فائرنگ کی اور شہری آبادی کو نشانہ بنایا۔ آئی ایس پی آر کے ترجمان کے مطابق بھارتی فورسزنے خودکار ہتھیاروں اور بھاری توپ خانے سے پولاس گاؤں کو نشانہ بنایا،بھارتی فورسز کی فائرنگ سے 18 سالہ لڑکی انصا صدیقی شدید زخمی ہوگئی۔ ترجمان آئی ایس پی آر کے مطابق پاک فوج نے بھارتی فورسز کو تابڑ توڑ جواب دیا اورفائرنگ کرنے والی بھارتی فوجی چوکیوں کو نشانہ بنایا۔