کراچی (کامرس رپورٹر)عالمی مارکیٹ میں گزشتہ روز سونے کی فی اونس قیمت بغیر کسی تبدیلی کے مستحکم رہی جب کہ مقامی صرافہ مارکیٹوں میں فی تولہ سونا200روپے سستا ہوگیا۔آل کراچی صراف اینڈجیولرزایسوسی ایشن کے مطابق جمعہ کوبین الاقوامی گولڈ مارکیٹ میں فی اونس سونے کی قیمت1556ڈالر مستحکم رہی تاہم ڈالر کے مقابلے میں روپے کی قدر میں بہتری آنے کے باعث کراچی،حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت200 روپے کی کمی سے 89300 روپے اوردس گرام سونے کی قیمت 172روپے کی کمی سے 76460روپے ہوگئی جب کہ چاندی کی فی تولہ قیمت1030روپے اوردس گرام کی قیمت 883روپے مستحکم رہی۔