لاہور (نیوز رپورٹر) صوبائی وزیر ایکسائز, ٹیکسیشن و نارکوٹکس کنٹرول پنجاب حافظ ممتاز احمد نے کہا ہے کہ 30 دنوں میں محکمہ ایکسائز تمام صارفین کو سمارٹ کارڈ فراہم کردے گا۔کار ڈیلرز فیڈریشن کے وفد سے ملاقات کے بعد میڈیا سے گفتگو کرتے ہوئے صوبائی وزیر نے کہا کہ کار ڈیلرز کے مسائل ترجیح بنیادوں پر حل کریں گے ۔حافظ ممتاز احمد نے کہا کہ کرپشن اور ایجنٹ مافیا سے نجات کیلئے محکمہ ایکسائز کو جدید ٹیکنالوجی پر منتقل کردیا ہے ۔آن لائن اپوائٹمنٹ مینجمنٹ سسٹم سے ایجنٹ مافیا کی حوصلہ شکنی ہوئی۔حافظ ممتاز احمد نے کہا کہ نمبر پلیٹس کے اجراء کی تیاریاں مکمل ہوچکی ہیں۔گاڑیوں کی ٹرانسفر کے بائیومیٹرک سسٹم کا نظام لا رہے ہیں۔صوبائی وزیر نے کہا کہ یونیورسل نمبر پلیٹس جاری کر رہے ہیں جس سے علاقائی تفریق کا خاتمہ ہوگا۔انہوں نے کہا کہ بجٹ میں صارفین کو خاطر خواہ ریلیف دیا گیا ہے ۔ای پے کے ذریعے رقم جمع کرانے پر پانچ فیصد چھوٹ دے رہے ہیں۔