ایک ہفتے کے دوران مہنگائی کی شرح میں 0.08 فیصد کمی

کراچی، اسلام آباد ( کامرس رپورٹر ،سٹاف رپورٹر، نامہ نگار )وفاقی ادارہ شماریات نے مہنگائی کے ہفتہ وار اعداد و شمار جاری کردیے ۔ ایک ہفتے کے دوران مہنگائی کی شرح میں 0.08 فیصد کمی ریکارڈ کی گئی ہے ۔ سالانہ بنیادوں پر مہنگائی کی شرح 12.75 فیصد کی سطح پر آگئی۔ گزشتہ ہفتے 15 اشیا ئکی قیمتوں میں اضافہ ریکارڈ کیا گیا، 8 اشیاء کی قیمتوں میں کمی ریکارڈ کی گئی جبکہ 28 اشیاء کی قیمتیں مستحکم رہیں۔ پیاز کی فی کلو قیمت میں 7 روپے تک اضافہ ہوا۔آٹے کا 20 کلو کا تھیلا 29 روپے تک مہنگا ہوا۔ ایل پی جی گھریلو سلنڈر 8 روپے تک مہنگا ہوا۔چنے کی دال، گڑ، جلانے کی لکڑی، آلو، گھی اور خوردنی تیل بھی مہنگا ہوا۔ٹماٹر کی فی کلو قیمت میں 29 روپے تک کمی ہوئی۔ چینی فی کلو دو روپے تک سستی ہوئی۔ زندہ مرغی فی کلو چار روپے تک اور انڈے فی درجن 81 پیسے سستے ہوئے ۔ سستی ہونے والی اشیا میں کیلا، ماش کی دال، مونگ کی دال اور مسور کی دال بھی شامل ہے ۔ ادارہ شماریات