کبھی بھی ہائوس وائف نہیں بنوں گی :نعیمہ بٹ

لاہور(نیٹ نیوز)’کبھی میں کبھی تم‘ ڈرامے میں رباب کے کردار سے شہرت حاصل کرنے والی اداکارہ نعیمہ بٹ نے کہا ہے کہ اگر انہیں بولی وڈ بادشاہ شاہ رخ خان کے ساتھ بھی کام کرنے کا موقع ملے تو بھی وہ مکمل طور پر اپنے بال نہیں کٹوائیں گی، البتہ تھوڑے سے بال کٹوالیں گی۔نعیمہ بٹ حال ہی میں مزاحیہ پروگرام میں شریک ہوئیں، انہوں نے بتایا کہ زمانہ طالب علمی میں وہ فٹ بال شوق سے کھیلا کرتی تھیں اور وہ پنجاب کی نیشنل ٹیم کا حصہ بھی رہیں لیکن بعد میں انہوں نے کھیلنا چھوڑ دیا۔ان کے مطابق انہوں نے 15 سال تک تھیٹرز اور اسٹیج ڈراموں میں اداکاری کی اور انہوں نے تھیٹرز سے متعلق امریکا سے تعلق بھی حاصل کی۔ نعیمہ بٹ نے بتایا کہ زمانہ طالب علمی میں انہوں نے کالج کے دوران لڑکیوں کا ایک گینگ بھی بنایا، جس کا نام ’ایس کے ‘ تھا اور وہ مذکورہ گینگ کی لیڈر رہیں۔ مذکورہ گینگ کا مقصد لڑکیوں کے ساتھ ناانصافیوں کے خلاف اٹھ کھڑا ہونا تھا۔ نعیمہ بٹ نے بتایا کہ وہ کبھی بھی ہائوس وائیف نہیں بنیں گی۔اداکارہ نے واضح کیا کہ ہائوس وائیف بننا اچھی بات ہے لیکن وہ خود ذاتی طور پر ایسی نہیں بنیں گی۔ اگر انہیں کسی ڈرامے میں بال چھوٹے کروانے پڑے تو وہ ’وگ‘ لگالیں گی لیکن بال نہیں کٹوائیں گی۔ان سے جب پوچھا گیا کہ اگر شاہ رخ خان کے ساتھ انہیں فلم میں کام کی پیش کش کی جائے لیکن شرط رکھی جائے کہ انہیں بال کٹوانے پڑیں گے تو وہ کیا کریں گی؟ اس پر انہوں نے کہا کہ وہ وہاں بھی ’وگ‘ لگالیں یا شاہ رخ خان کو راضی کرلیں گی۔نعیمہ بٹ نے کہا کہ وہ شاہ رخ خان کے ساتھ کام ملنے پر بھی مکمل طور پر بال چھوٹے نہیں کروائیں گی اور نہ ہی انہیں کٹوائیں گی ۔