ہمارے 2 سینیٹرز کو ہراساں کیا جا رہا : اختر مینگل

کوئٹہ (این این آئی)بلوچستان نیشنل پارٹی کے سربراہ سردار اختر مینگل نے کہا ہے کہ بی این پی کے 2 سینیٹرز اور انکے خاندانوں کو مسلسل ہراساں کیا جا رہا ہے ۔اپنے ایک بیان میں انہوں نے کہا کہ اب میرے پاس ایک ہی آپشن بچا ہے کہ اپنے سینیٹرز کو مستعفی ہونے کی ہدایت کر دوں۔ بلوچستان سے اسی سلوک کی وجہ سے میں نے قومی اسمبلی کی رکنیت سے استعفیٰ دیا تھا۔