خالد انعم کا شادیوں پر بے بہاپیسہ بہانے پر کاٹ دارطنز

لاہور(کلچرل رپورٹر)سینئر اداکار خالد انعم نے پاکستان کی معاشی صورت حال کے برعکس عوام کے حالات پر تنقید کی اور شادیوں پر بے بہا پیسہ بہانے پر کاٹ دار طنز کیا۔اداکار نے لکھا کہ پاکستان کی شادیاں، شاپنگ مالز اور ریسٹورنٹ دیکھ کر لگتا ہے کہ یہ ملک امریکہ، جرمنی اور جاپان کو قرض دیتا ہے ۔پاکستان میں ہر بندہ اپنی چادر سے دو سو فٹ باہر ہے ۔ اداکار نے انسٹاپوسٹ میں زندگی کو سادہ اور آسان بنانے کے لیے اہم مشورہ بھی دیا کہ پیسے اتنے کمائیں کہ جب آپ بیمار ہوں تو بچے ڈاکٹر بلائیں، وکیل نہیں۔سوشل میڈیا صارفین کی بڑی تعداد نے اداکار کے خیالات سے اتفاق کیا۔خالد انعم ملک کے موجودہ حالات اور سماجی مسائل کے بارے میں سوشل میڈیا پر اکثر ہی دلچسپ انداز میں اپنے خیالات کا اظہار کرتے رہتے ہیں جنہیں صارفین کی جانب سے پسند کیا جاتا ہے ۔