ویسٹ انڈیز ٹیسٹ سکواڈ دورہ پاکستان پر اسلام آباد پہنچ گیا

لاہور(سپورٹس رپورٹر) ویسٹ انڈیز ٹیسٹ سکواڈ دورہ پاکستان پر کپتان کریگ براتھ ویٹ کی قیادت میں اسلام آباد پہنچ گیا۔ویسٹ انڈیز ٹیسٹ اسکواڈ فلائٹ ای کے 612 سے براستہ دبئی اسلام آباد پہنچا۔ویسٹ انڈیز کی ٹیم پاکستان شاہینز کے خلاف 10 سے 12 جنوری تک اسلام آباد کلب میں تین روزہ پریکٹس میچ کھیلے گی۔ پاکستان اور ویسٹ انڈیز کے درمیان پہلا ٹیسٹ میچ 17 جنوری کو ملتان میں شروع ہوگا۔سیریز کا دوسرا ٹیسٹ میچ اسی وینیو پر 25 جنوری سے شروع ہوگا۔