پاکستانی مردوں کو دھوکہ دینا بہت آسان: حریم شاہ
لاہور(نیٹ نیوز)پاکستانی ٹک ٹاکر حریم شاہ نے ایک انٹرویو میں پاکستانی مردوں کیلئے انتہائی تضحیک آمیز باتیں کی ہیں جس کی ویڈیو سوشل میڈیا پر وائرل ہورہی ہے ۔پاکستانی سیاست سمیت سوشل میڈیا پر اپنی ویڈیوز اور بیانات کی وجہ سے تہلکہ مچانے والی حریم شاہ نے پاکستانی مردوں کو انتہائی درجے کا بیوقوف قرار دیا ہے ۔ٹک ٹاکر حال ہی میں ایک پوڈکاسٹ میں شریک ہوئیں جہاں انھوں نے پاکستانی مردوں کے حوالے سے نہایت تضحیک آمیز اور شرمناک باتیں کیں۔ انٹرویو کا یہ ویڈیو کلپ انسٹاگرام پر شیئر ہوا ہے ۔حریم شاہ نے پاکستانی شہری ہونے کے باوجود پاکستانی مردوں کے بارے میں نامناسب باتیں کرتے ہوئے کہا کہ پاکستانی مردوں کو دھوکہ دینا بہت آسان ہے ۔ٹک ٹاکر نے کہا کہ ان مرد حضرات کو آسانی سے الو بنایا جاسکتا اور ان کو ناکوں چنے چبوائے جاسکتے ہیں۔انھوں نے مردوں کے متعلق مزید ہرزہ سرائی کی کہ پاکستانی مرد خواجہ سراؤں، ہیجڑوں، مردوں، خواتین، بچوں، بیواؤں، اور طلاق یافتہ خواتین کو بھی نہیں چھوڑتے ۔ ان کی خواہشات بہت زیادہ ہوتی ہیں اور وہ اپنی جسمانی خواہشات کیلئے پاگل ہوجاتے ہیں۔ٹک ٹاکر کی وائرل ویڈیو پر صارفین کی جانب سے سخت غصہ اور تنقید کا اظہار کیا جارہا ہے ۔