ہانیہ عامر، یشما گل کا مختصر لباس میں رقص تنقید کا نشانہ
لاہور(این این آئی،نیٹ نیوز)پاکستانی اداکارہ یشما گل کی بہن کی شادی پر ہانیہ عامر اور یشما کے مختصر لباس میں رقص پر سینئر اداکارہ حنا بیات نے ناراضی کا اظہار کیا ہے ۔شادی کی تقریب میں ہانیہ عامر نے ساتھی ادکارہ دنانیر مبین اور یشما گل کے ساتھ مل کر رقص کیا تھا جس کی ویڈیوز سوشل میڈیا پر خوب وائرل ہورہی ہیں لیکن ویڈیو میں مختصر لباس پہننے پر اداکارائوں کو تنقید کا نشانہ بھی بنایا جارہا ہے ۔ویڈیو میں دیکھا جاسکتا ہے کہ ہانیہ عامر نے سبز رنگ کی چھوٹی چولی اور لہنگا پہنا ہوا ہے جبکہ یشما گل اور دناننیر مبین بھی ایسے ہی لباس میں ہیں۔تینوں اداکارائوں کا یہ مختصر لباس کئی سوشل میڈیا صارفین کو پسند نہ آیا جس پر ناگواری کا اظہار کرنے والوں میں سینئر اداکارہ حنا خواجہ بیات بھی شامل ہیں۔حنا بیات نے تینوں اداکارائوں کا نام لئے بغیر ان کی مختصر چولی پر تنقید کرتے ہوئے اپنے کمنٹ میں لکھا کہ میں سوچتی ہوں کہ کیا لوگ آج کل بھول گئے ہیں کہ قمیض نام کی بھی کوئی چیز ہوتی ہے ۔دیگر سوشل میڈیا صارفین نے بھی حنا خواجہ بیات کی رائے سے اتفاق کرتے ہوئے لکھا کہ لوگ قمیض اور تمیز دونوں بھول چکے ہیں۔