لاہور(اپنے سٹاف رپورٹر سے ) اورنج لائن میٹرو ٹرین تو چل پڑی لیکن اس کی تعمیر کیلئے لگائی گئی مشینری نے لاہور کے تاریخی چوبرجی کوارٹرز کرکٹ گراؤنڈ کو تباہ کر دیا ۔ کوئی سرکاری محکمہ گراؤنڈ کی بحالی کی ذمہ داری لینے کو تیار نہیں۔ کئی علاقوں کے کرکٹرز گراؤنڈ سے محروم ہو گئے ۔تفصیلات کے مطابق شہر کے بڑے ٹرانسپورٹ منصوبے اورنج لائن کیلئے ملتان روڈ پر واقع چوبرجی کوارٹرز کرکٹ گراؤنڈ میں مشینری نصب کی گئی ۔ اس مشینری سے اورنج لائن کیلئے کنکریٹ گارڈر اور بلاکس تیار کئے جاتے تھے ۔ اورنج لائن مکمل ہونے کے بعد ٹرین بھی چل پڑی لیکن چوبرجی کوارٹرز کرکٹ گراؤنڈ کا حالت نہیں بدلی گئی۔ کمپنی مشینری وہیں چھوڑ کر چلی گئی اور اب کوئی سرکاری محکمہ مشینری ہٹا کر گراؤنڈ بحال کرنے کو تیار نہیں۔ پی اینڈ ڈی، پی ایچ اے ، ایل ڈی اے سمیت تمام ادارے ذمہ داری ایک دوسرے پر ڈال رہے ہیں۔سمن آباد، سوامی نگر، پونچھ روڈ، گلشن راوی اور چوبرجی پارک سمیت کئی علاقوں کے کرکٹرز گزشتہ تین سال سے گراؤنڈ سے محروم ہیں۔ سعید احمد اور یونس احمدجیسے بڑے کرکٹرز اسی گراؤنڈ میں کرکٹ کھیل کر آگے نکلے ۔ علاقے کے کرکٹرز نے مطالبہ کیا ہے کہ گراؤنڈ سے ہنگامی بنیادوں پر مشینری ہٹا کر بحال کیا جائے تا کہ یہاں کرکٹ کا سلسلہ دوبارہ شروع ہو سکے ۔
اورنج ٹرین تو چل پڑی، چوبرجی کوارٹرز گراؤنڈ کی بحالی کا کام شروع نہ ہوسکا
پیر 25 جنوری 2021ء
لاہور(اپنے سٹاف رپورٹر سے ) اورنج لائن میٹرو ٹرین تو چل پڑی لیکن اس کی تعمیر کیلئے لگائی گئی مشینری نے لاہور کے تاریخی چوبرجی کوارٹرز کرکٹ گراؤنڈ کو تباہ کر دیا ۔ کوئی سرکاری محکمہ گراؤنڈ کی بحالی کی ذمہ داری لینے کو تیار نہیں۔ کئی علاقوں کے کرکٹرز گراؤنڈ سے محروم ہو گئے ۔تفصیلات کے مطابق شہر کے بڑے ٹرانسپورٹ منصوبے اورنج لائن کیلئے ملتان روڈ پر واقع چوبرجی کوارٹرز کرکٹ گراؤنڈ میں مشینری نصب کی گئی ۔ اس مشینری سے اورنج لائن کیلئے کنکریٹ گارڈر اور بلاکس تیار کئے جاتے تھے ۔ اورنج لائن مکمل ہونے کے بعد ٹرین بھی چل پڑی لیکن چوبرجی کوارٹرز کرکٹ گراؤنڈ کا حالت نہیں بدلی گئی۔ کمپنی مشینری وہیں چھوڑ کر چلی گئی اور اب کوئی سرکاری محکمہ مشینری ہٹا کر گراؤنڈ بحال کرنے کو تیار نہیں۔ پی اینڈ ڈی، پی ایچ اے ، ایل ڈی اے سمیت تمام ادارے ذمہ داری ایک دوسرے پر ڈال رہے ہیں۔سمن آباد، سوامی نگر، پونچھ روڈ، گلشن راوی اور چوبرجی پارک سمیت کئی علاقوں کے کرکٹرز گزشتہ تین سال سے گراؤنڈ سے محروم ہیں۔ سعید احمد اور یونس احمدجیسے بڑے کرکٹرز اسی گراؤنڈ میں کرکٹ کھیل کر آگے نکلے ۔ علاقے کے کرکٹرز نے مطالبہ کیا ہے کہ گراؤنڈ سے ہنگامی بنیادوں پر مشینری ہٹا کر بحال کیا جائے تا کہ یہاں کرکٹ کا سلسلہ دوبارہ شروع ہو سکے ۔
آج کے کالم
یہ خبر روزنامہ ٩٢نیوز لاہور میں پیر 25 جنوری 2021ء کو شایع کی گی
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں