کراچی (سپورٹس ڈیسک) پاکستان کے پروفیشنل کیوئسٹ فرخ عجائب نے ناردرن آئرلینڈ اوپن سنوکر چیمپئن شپ کے مین راؤنڈ میں جگہ بنالی۔ 30 سالہ فرخ عجائب انگلینڈ کے شہر بلیک برن میں پیدا ہوئے ، انہوں نے اپنے پروفیشنل کیریئر کا آغاز انگلینڈ ہی سے کیا تاہم 2021 سے وہ پاکستان کی نمائندگی کر رہے ہیں۔ بلفاسٹ میں جاری اس سنوکر چیمپئن شپ میں فرخ عجائب نے انگلینڈ کے اینڈریو ہگنسن کو 4-3 فریمز سے ہرا کر مین راؤنڈ کیلئے کوالیفائی کرلیا جہاں ان کا مقابلہ کوالیفائر سے ہوگا۔