لاہور (صباح نیوز)آل پاکستان انجمن تاجران کے صدراشرف بھٹی نے کہا ہے کہ ٹیکس گزاروں اور ایف بی آر کے مابین تنازعات کا اے ڈی آر سی کے طریق کار کے مطابق باہمی افہام و تفہیم کے ذریعے حل خوش آئند ہے ،معاہدے کے تحت مارکیٹ کمیٹیوں کا قیام انتہائی دورس نتائج کا حامل ثابت ہوگا ۔ اپنے ایک بیان میں انہوں نے کہا کہ تاجروں سے طے پانے والے معاہدے کے مطابق ایف بی آر کی جانب سے آسان اور سادہ رجسٹریشن فارم مہیا کیا جائے گا جبکہ نئے ٹیکس گزاروں کی انکم ٹیکس میں رجسٹریشن کے لئے ملک بھر میں مارکیٹوں میں مہم چلائی جائے گی ۔ انہوں نے کہا کہ ایک ہزار مربع فٹ رقبہ کی بنیاد پر سیلز ٹیکس میں رجسٹر کی جانے والی دکانوں کے بارے میں شکایت کی صورت میں تصفیہ ہوگا اور یہ کام کمیٹیاں سر انجام دیں گی ۔انہوں نے کہا کہ ادارے اسٹیک ہولڈرز سے مشاورت کے عمل کو فروغ دیں تو مسائل پر قابو پا یا جا سکتا ہے ۔ انہوں نے کہا کہ ہمارا مطالبہ ہے کہ حکومت تاجروں کی مشکلات میں کمی کرے ،ملک بھر کے لاکھوں تاجر ہیجان کی کیفیت کی وجہ سے شدید پریشانی میں مبتلا ہیں ۔حالات کو سازگار کرنے کے لئے مقامی سرمایہ کاروں کا اعتماد بحال کیا جائے کیونکہ اس کے بغیر معاشی سر گرمیاں فروغ نہیں پا سکتیں۔
تاجر ،ایف بی آر تنازعہ طے پانا خوش آئند: انجمن تاجران
اتوار 15 دسمبر 2019ء
لاہور (صباح نیوز)آل پاکستان انجمن تاجران کے صدراشرف بھٹی نے کہا ہے کہ ٹیکس گزاروں اور ایف بی آر کے مابین تنازعات کا اے ڈی آر سی کے طریق کار کے مطابق باہمی افہام و تفہیم کے ذریعے حل خوش آئند ہے ،معاہدے کے تحت مارکیٹ کمیٹیوں کا قیام انتہائی دورس نتائج کا حامل ثابت ہوگا ۔ اپنے ایک بیان میں انہوں نے کہا کہ تاجروں سے طے پانے والے معاہدے کے مطابق ایف بی آر کی جانب سے آسان اور سادہ رجسٹریشن فارم مہیا کیا جائے گا جبکہ نئے ٹیکس گزاروں کی انکم ٹیکس میں رجسٹریشن کے لئے ملک بھر میں مارکیٹوں میں مہم چلائی جائے گی ۔ انہوں نے کہا کہ ایک ہزار مربع فٹ رقبہ کی بنیاد پر سیلز ٹیکس میں رجسٹر کی جانے والی دکانوں کے بارے میں شکایت کی صورت میں تصفیہ ہوگا اور یہ کام کمیٹیاں سر انجام دیں گی ۔انہوں نے کہا کہ ادارے اسٹیک ہولڈرز سے مشاورت کے عمل کو فروغ دیں تو مسائل پر قابو پا یا جا سکتا ہے ۔ انہوں نے کہا کہ ہمارا مطالبہ ہے کہ حکومت تاجروں کی مشکلات میں کمی کرے ،ملک بھر کے لاکھوں تاجر ہیجان کی کیفیت کی وجہ سے شدید پریشانی میں مبتلا ہیں ۔حالات کو سازگار کرنے کے لئے مقامی سرمایہ کاروں کا اعتماد بحال کیا جائے کیونکہ اس کے بغیر معاشی سر گرمیاں فروغ نہیں پا سکتیں۔
آج کے کالم
یہ خبر روزنامہ ٩٢نیوز لاہور میں اتوار 15 دسمبر 2019ء کو شایع کی گی
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں