اسلام آباد(آن لائن)وفاقی حکومت نے دبئی کے شاہی خاندان سے تعلق رکھنے والے سکیورٹی امور کے ذمے دار کو 20۔2019 کے شکار کے موسم میں تلور کے شکار کا اجازت نامہ جاری کردیا ہے ۔وزارت کے ڈپٹی چیف آف پروٹوکول محمد عدیل پرویز کی جانب سے جاری کردہ یہ خصوصی اجازت اسلام آباد میں قائم متحدہ عرب امارات کے سفارتخانے کو بھیج دئیے گئے ہیں تاکہ اسے آگے شکاریوں تک بھیجا جا سکے ۔عدیل پرویز نے اجازت نامے میں تحریر کیا کہ 20-2019 کے شکار کے موسم میں تلور کے شکار دبئی کے شاہی خاندان کے رکن اور دبئی کے ڈپٹی چیف آف پروٹوکول اینڈ جنرل سکیورٹی میجر جنرل شیخ احمد بن راشد المکتوم کے لیے حکومت پاکستان نے صوبے میں ضلع عمرکوٹ کی انتظامیہ کو زمین کی فراہم کے لیے تجاویز بھیج دی ہیں۔ایک اور اجازت نامے میں عدیل پرویز نے کہا کہ 20-2019 کے شکار کے سیزن میں تلور کے شکار کے لیے شیخ راشد بن خلیفہ المکتوم کو ضلع بدین اور جنگ شاہی اور ٹھٹہ میں دھابیجی میں زمین فراہم کی گئی ہے ۔اجازت نامے کے ساتھ جاری کیے گئے ضابطہ اخلاق کے مطابق شکار کے سیزن کے دوران 10 دن میں شکار کیے جانے والے پرندوں کی حد 100مقرر کی گئی ہے ۔