لاہور(سپیشل رپورٹر)محکمہ اینٹی کرپشن کی ٹیم آج کوٹ لکھپت جیل میں قید سابق وزیر اعظم میاں نواز شریف کا بیان قلمبند کریگی۔ ذرائع کا کہنا ہے کہ آج اینٹی کرپشن کی تین رکنی ٹیم صبح 10بجے کوٹ لکھپت جیل پہنچے گی جس میں اے ڈی غضنفر طفیل، اسسٹنٹ ڈائریکٹر لیگل راشد مقبول اور انسپکٹر زاہد علی شامل ہیں۔ اینٹی کرپشن ٹیم سپرنٹنڈنٹ جیل اعجاز اصغر کے کمرے میں نواز شریف کا بیان قلمبند کریگی، اس حوالے سے انتظامات مکمل کرلئے گئے ہیں۔