لاہور(نیٹ نیوز) پاکستان کرکٹ ٹیم کے فاسٹ بولر حسن علی نے بھارتی لڑکی سامعہ سے نکاح کے لیے نیا ہیر اسٹائل بنالیا ۔قومی کرکٹ ٹیم کے فاسٹ بولر حسن علی نے اپنی شادی کے لیے نیا ہیر سٹائل بنوالیا ہے ، پیسر نے بالوں کا سٹائل بدلنے کے بعد تصاویر بھی شیئر کی ہیں جس میں وہ اپنے دوستوں کے ساتھ خاصے خوش دکھائی دے رہے ہیں، حسن علی کا نکاح بھارتی فلائٹ انجینئر سے کل دبئی میں ہو رہا ہے ۔پروگرام کے مطابق حسن علی اور ان کے گھر والے کل دبئی پہنچیں گے اور اسی روز نکاح کی تقریب ہوگی جس میں دونوں گھرانوں کے تقریبا 25 افراد کو مدعو کیا گیا ہے جب کہ نکاح کے بعد باقاعدہ رخصتی 2 سے 3 ماہ بعد ہوگی، حسن علی اور ان کے اہل خانہ کی 22 اگست کو وطن واپسی کا پلان شیڈول ہے ۔