اسلام آباد (این این آئی)سیکٹری جنرل بزنس مین پینل احمد جواد نے کہاہے کہ روپے کی قدر میں کمی انتہائی تشویش ناک ہے ، حکومت فوری نوٹس لے ،متعلقہ ریاستی ادارے ڈالر کی قدر کو کنٹرول کرنے میں قومی کردار ادہ کریں۔ ایک بیان میں انہوں نے کہاکہ ڈالر کی قدر میں بے تہاشہ اضافے کا فوری نوٹس لیتے ھووے اسے 154 کی سطع پر واپس لانے کیلئے فوری اقدامات کرے ۔انہوں نے کہاکہ دو دن میں ڈالر کی قدر میں اضافہ کرونا وائرس کیخلاف لڑی جانے والی جنگ کو بھی ناقابل تلافی نقصان پہنچانے کا باعث بنے گا۔