لاہور(کلچرل رپورٹر)اداکارہ صنم سعید نے کہا ہے کہ زندگی کو خوبصورت بنانا انسان کے اپنے ہاتھ میں ہوتا ہے صنم سعید کا کہنا تھا کہ زندگی میں ہونے والے واقعات پر ہمارا ردعمل اچھا یا برا جیسا ہوگا ہماری زندگی ویسے ہی گزرے گی، زندگی صرف 10 فیصد واقعات پر مشتمل ہوتی ہے اور 90 فیصد زندگی کے واقعات پر ہمارا ردعمل ہوتا ہے ۔اداکارہ نے اپنے ایک سوشل میڈیا پیغام میں کہا کہ اپنی زندگی کو آسان بنانے کیلئے ہمیں اچھے ردعمل کو اپنانا ہوگا ،ایسے کام کرنا ہوں گے جن سے لوگ خوش ہوں، کوشش کرنی چاہیے کہ ہمارے ہاتھوں سے کبھی کسی کا دل نہ دکھے ۔