سرگودھا(کرائم رپورٹر)مجلس عمل حلقہ پی پی 73کے امیدوارمیسراحمد گجر اورانکے دوبیٹوں سمیت بیس کارکنوں کیخلاف غیرقانونی ریلی نکالنے پر مقدمہ درج کرلیاگیا۔پولیس کے مطابق ایم ایم اے حلقہ پی پی 73کے امیدوار میسر احمدگجر کی قیادت میں مین بازار بھلوال میں غیر قانونی اِنتخابی ریلی نکال کر ضابطہ اخلاق کی خلاف ورزی کی جس پرمیسر احمدگجر ،انکے بیٹوں ارقم احمد،عبداﷲ گجر یوتھ ونگ کے ضلعی صدر یاسر گجرکے ساتھیوں زاہد اقبال‘ غوری وغیرہ 20سے زائدافراد کیخلاف دفعہ 144 ایکٹ کی خلاف ورزی کرنے پر مقدمہ درج کر لیا۔