اسلام آباد(وقائع نگار) فیڈرل بورڈ آف ریونیو(ایف بی آر) نے کہاہے کہ سیلز ٹیکس اور فیڈرل ایکسائز ڈیوٹی ادائیگی کی حتمی تاریخ 31 مارچ ہے اور اس میں مزید کوئی توسیع نہیں کی جائے گی۔گذشتہ روز جاری بیان میں ترجمان ایف بی آرنے کہا ہے کہ کورونا وائرس وبا کے پیش نظر ٹیکس گزاروں کی سہولت کے لئے سیلز ٹیکس اور فیڈرل ایکسائز ڈیوٹی کی ادائیگی کی تاریخ میں 31 مارچ تک توسیع کردی گئی ہے ۔ ترجمان نے کہاکہ ٹیکس گزار حتمی تاریخ سے پہلے ٹیکسز کی ادائیگی یقینی بنائیں۔