لاہور(جنرل رپورٹر)فاطمہ جناح میڈیکل یونیورسٹی کے تحت ایم بی بی ایس فرسٹ ائیر کی کلاسز 16 نومبر سے شروع ہورہی ہیں۔ ترجمان فاطمہ جناح میڈیکل یونیورسٹی پروفیسر ڈاکٹر عدنان اسلم نے کہا کہ لاہور، گوجرانوالہ، شیخو پورہ، قصور اور گجرات کے طلبہ 16 نومبر کو یونیورسٹی میں رپورٹ کردیں جبکہ دیگر اضلاع کے طالبعلموں کو 17 نومبر صبح 9 بجے رابطہ کرنا ہوگا۔ ترجمان نے بتایا کہ باقاعدہ پڑھائی کا سلسلہ 19 نومبر سے شروع ہوگا۔مزید تفصیلات کے لئے یونیورسٹی کی ویب سائٹ دیکھی جاسکتی ہے ۔