پیرس(صباح نیوز)فرانس نے انیسویں صدی میں الجزائر پر فرانسیسی قبضے کے خلاف لڑنے والے 24 شہدا کی کھوپڑیاں الجزائر کو واپس کر دیں۔ غیرملکی خبررساں ادارے کے مطابق الجزائر کے صدرعبد المجید تبون نے فرانس کی جانب سے کھوپڑیاں بھیجنے کی تصدیق کی ہے اور کہا ہے کہ دیگرشہیدوں کی باقیات واپسی کیلئے پرعزم ہیں ان میں ایک اسلامی مبلغ امیر عبدالقادر کے اتحادی بھی شامل ہیں جوانیسویں صدی کے وسط میں فرانسیسی افواج کے خلاف جدوجہد میں قبائلیوں کے ایک گروہ کی قیادت کرتے رہے ۔