حکومت پنجاب نے ضلعی حکام کو فورتھ شیڈول کی فہرستوں کواپ ڈیٹ کرنے کی ازسرنو ہدایات جاری کر دی ہیں۔ڈپٹی کمشنرز کو اس ضمن میں محکمہ داخلہ سے ترجیحی بنیادوں پر رابطے کرنے کا حکم دے دیا گیا ہے ۔ فورتھ شیڈول میں ان خطرناک ملزمان کو رکھا جاتا ہے جو معاشرے کے لئے نقصان دہ ثابت ہو سکتے ہیں۔ ماضی کی حکومتوں نے اس فہرست میں ان مذہبی کارکنوں کو شامل کیا ہوا تھا جن کا شدت پسندوں سے کسی قسم کا تعلق نہیں تھا۔ صرف شک کی بنیاد پر ان کے ناموں کو خطرناک مجرموں کی فہرست میں شامل کیا گیا تھا۔ مذہبی تنظیمیں کالعدم ہونے کی بنا پر ہزاروں کارکن توبہ تائب ہو چکے ہیں لیکن ان کے نام بدستور فورتھ شیڈول کی فہرستوں میں شامل ہیں۔ کئی کارکنوں اور مذہبی رہنمائوں نے اس فہرست سے نام خارج کر وانے کے لئے عدالتوں اور ہوم ڈیپارٹمنٹ سے رابطہ کر رکھا ہے لیکن شنوائی نہ ہونے کی بنا پر ان کے نام ابھی تک مجرموں کے ساتھ ہی شامل ہیں۔ فورتھ شیڈول میں شامل افراد نارمل زندگی نہیں گزار سکتے،انہیں تھانے کی حدود سے باہر جانے کے لئے باقاعدہ تھانے سے اجازت طلب کرنا پڑتی ہے۔ اس کے علاوہ انہیں ہفتہ میں کئی دن تھانے جا کر حاضری بھی لگوانا ہوتی ہے۔ حکومت پنجاب نے اگر فہرست اپ ڈیٹ کرنے کا فیصلہ کیا ہے تو وہ خوش آئند ہے۔ اس سے کئی توبہ تائب ہونے والے افراد کی گلو خلاصی ہو سکے گی۔
فورتھ شیڈول فہرستیں اپ ڈیٹ کرنے کی ہدایت
منگل 17 نومبر 2020ء
حکومت پنجاب نے ضلعی حکام کو فورتھ شیڈول کی فہرستوں کواپ ڈیٹ کرنے کی ازسرنو ہدایات جاری کر دی ہیں۔ڈپٹی کمشنرز کو اس ضمن میں محکمہ داخلہ سے ترجیحی بنیادوں پر رابطے کرنے کا حکم دے دیا گیا ہے ۔ فورتھ شیڈول میں ان خطرناک ملزمان کو رکھا جاتا ہے جو معاشرے کے لئے نقصان دہ ثابت ہو سکتے ہیں۔ ماضی کی حکومتوں نے اس فہرست میں ان مذہبی کارکنوں کو شامل کیا ہوا تھا جن کا شدت پسندوں سے کسی قسم کا تعلق نہیں تھا۔ صرف شک کی بنیاد پر ان کے ناموں کو خطرناک مجرموں کی فہرست میں شامل کیا گیا تھا۔ مذہبی تنظیمیں کالعدم ہونے کی بنا پر ہزاروں کارکن توبہ تائب ہو چکے ہیں لیکن ان کے نام بدستور فورتھ شیڈول کی فہرستوں میں شامل ہیں۔ کئی کارکنوں اور مذہبی رہنمائوں نے اس فہرست سے نام خارج کر وانے کے لئے عدالتوں اور ہوم ڈیپارٹمنٹ سے رابطہ کر رکھا ہے لیکن شنوائی نہ ہونے کی بنا پر ان کے نام ابھی تک مجرموں کے ساتھ ہی شامل ہیں۔ فورتھ شیڈول میں شامل افراد نارمل زندگی نہیں گزار سکتے،انہیں تھانے کی حدود سے باہر جانے کے لئے باقاعدہ تھانے سے اجازت طلب کرنا پڑتی ہے۔ اس کے علاوہ انہیں ہفتہ میں کئی دن تھانے جا کر حاضری بھی لگوانا ہوتی ہے۔ حکومت پنجاب نے اگر فہرست اپ ڈیٹ کرنے کا فیصلہ کیا ہے تو وہ خوش آئند ہے۔ اس سے کئی توبہ تائب ہونے والے افراد کی گلو خلاصی ہو سکے گی۔
آج کے کالم
یہ کالم روزنامہ ٩٢نیوز میں منگل 17 نومبر 2020ء کو شایع کیا گیا
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں