فیصل آباد (92 نیوزرپورٹ) دوست ملک سے تحفے میں ملنے والا پاور پلانٹ 11 سال بعد بھی فیصل آباد میں نصب نہ ہو سکا، 320 میگاواٹ کی صلاحیت رکھنے والا پاور پلانٹ کھلے آسمان تلے پڑا تباہ ہونے لگا۔2009 میں پی پی حکومت نے پلانٹ کو سٹیم پاورسٹیشن میں نصب کرنا تھا،ن لیگ اورپی ٹی آئی حکومتوں نے بھی نظرانداز کر دیا۔اربوں مالیت کی مشینری کو نصب کرکے بجلی سسٹم میں شامل کرنے سے گریزکیا جارہا ہے ۔ پلانٹ کو فوری نصب نہ کیا گیا تو مستقبل میں اسے لوہے کے بھاؤ بیچنا پڑے گا۔