فیصل آباد(بلال سکندر) فیصل آباد کے دل چوک گھنٹہ گھر میں واقع اربوں روپے مالیت کی سینکڑوں دکانوں پرسیاسی اثر ورسوخ سے قبضے کا انکشاف ہوا ہے ۔ریونیو ڈیپاررٹمنٹ کے مطابق آٹھوں بازاروں میں مجموعی طور پر 646 دکانوں میں سے صرف 32 مالکان کے پاس رجسٹریاں موجود ہیں جبکہ دیگر 614 دکانوں پر قابض افراد کے پاس کوئی ملکیتی ثبوت نہیں جس پر محکمہ اینٹی کرپشن نے تحقیقات شروع کردی ہیں، ذرائع کے مطابق ان دکانوں کو قابضین سے واگزار کروانے کیساتھ پشت پناہی کرنے والے سیاسی افراد سے ناجائز وصولیوں کا حساب لیا جائے گا۔