پشاور(سٹاف رپورٹر)ایڈیشنل اینڈ سیشن جج پشاور عبد الماجد نے افغانستان کے دو باشندوں کو قتل کا جرم ثابت ہونے پر مجموعی طور پر 14سال قید اور چھ لاکھ روپے جرمانہ کی سزا سنادی۔ استغاثہ کے مطابق دونوں ملزمان مطیع اللہ اور شاہ ولی ساکنان افغانستان حال تہکال پشاور نے اعظم مسیح کو اینٹوں اور پتھروں سے مار کرقتل کردیا تھا۔عدالت نے ملزمان کے خلاف سماعت مکمل ہونے اور جرم ثابت ہونے کے بعد سات ، سات سال قید اور مقتول کے ورثاء کو تین ، تین لاکھ روپے بطور دیت دینے کے احکامات جاری کئے ۔