اسلام آباد(خبر نگار خصوصی) وزیراعظم عمران خان نے مشترکا مفادات کونسل کا اجلاس 27 جنوری کو طلب کرلیا ہے ۔اجلاس میں چاروں وزرائے اعلیٰ، وفاقی وزرا شریک ہو نگے ۔ذرائع کے مطابق اجلاس میں مردم شماری کے نتائج کو حتمی شکل دی جائیگی اور نتائج جاری کرنے کا نوٹی فکیشن بھی متوقع ہے ۔اجلاس میں مشترکہ مفادات کونسل کے مستقل سیکرٹریٹ کا جائزہ لیا جائے گا اجلاس میں نیپرا کی سالانہ رپورٹ بھی پیش کی جائے گی۔ مشترکہ مفادات کونسل کے فیصلوں پر عملدرآمد کا جائزہ لیا جائے گا۔اجلاس میں اوگرا آرڈیننس میں ترمیم کا جائزہ لیا جائے گا۔ذرائع نے بتایا کہ اجلاس میں18ویں ترمیم کے بعد ہائیر ایجوکیشن کے معاملات پر بھی غور ہوگا۔