اسلام آباد(نیوز رپورٹر،صباح نیوز) وفاقی وزیر سائنس اینڈ ٹیکنالوجی فواد چودھری نے کہا ہے کہ نوازشریف، مریم کیخلاف مقدمات بالکل واضح ہیں ،ہمارا نظام انصاف ایسا آلودہ ہے کہ شیشے سے شفاف جرائم بھی آلودگی کی نذر ہورہے ہیں۔ ٹوئٹر پر اپنے بیان میں فواد چودھری نے کہا یہ احتساب کے بیانیہ کی ناکامی ہے کہ آج مریم نواز انقلابی شاعری سناتی نظر آتی ہیں۔کیا کسی اورملک میں یہ ہوسکتا ہے کہ اتنا پیسہ لوٹ کے پھوٹ جائو اور فرق ہی نہ پڑے ؟۔