لاہور (اپنے نیوز رپورٹر سے ،92 نیوزرپورٹ) شہباز شریف اور انکی فیملی کے خلاف مبینہ منی لانڈرنگ کیس میں اہم پیش رفت ہوگئی ، شہباز شریف فیملی کے خلاف منی لانڈرنگ میں غیر ملکی افراد کے نام بھی سامنے آنے لگے ۔ نیب دستاویز کے مطابق شہباز فیملی کے اراکین کو غیر ملکی شخصیات نے 4 کروڑ 31 لاکھ 36 ہزار 541 روپے منتقل کیے ، نیہان بن مبارک النیہان، موسی شمع السودیس،عبدالمناف کنزائی اور دیگر نے رقوم منتقل کیں۔ نیہان بن مبارک النیہان نے 10 فروری 2014 کو سلیمان شہباز کو 89 لاکھ 63 ہزار 585 روپے منتقل کئے ۔ موسی شمع سودیس نے سلمان شہباز کو 18 جولائی 2012 کو ٹرانزیکشن کیں۔ موسی شمع سودیش نے 93 لاکھ 87 ہزار 972 روپے منتقل کیے ۔ عبدالمناف کنزائی نے 1 مئی 2007 میں 99 لاکھ 33 ہزار 121 روپے سلمان شہباز کو منتقل کیے ، محمد اویس عرب نے 2 ٹرانزیکشن میں 95 لاکھ 69 ہزار 169 روپے منتقل کیے ۔ ذرائع کے مطابق غیر ملکی افراد نے رقوم سے متعلق سلمان شہباز اور نصرت شہباز سے تفتیش درکار ہے ۔ غیر ملکی افراد نے بھاری رقوم کس غرض سے بھیجیں شریف فیملی نے نہیں بتایا، شہباز فیملی ارکین کیخلاف موصول ریکارڈ میں غیر ملکی شخصیات بھی سامنے آئیں، غیر ملکی شخصیات نے کروڑوں روپے بیرون ملک سے بھجوائے جس کی تحقیقات کی جارہی ہیں۔