فیصل آباد (نیوزرپورٹر) صوبائی وزیر صنعت وپیداوارمیاں اسلم اقبال نے کہا ہے کہ حکومت کسی صورت آٹا مہنگا فروخت اور عوام کو تنگ کرنے کی اجازت نہیں دیگی ۔عوام کو آٹا فراہم کرنے کیلئے ہرممکن اقدامات کرلئے ہیں ،فلورملز اور آٹاچکیوں کے مالکان مقررہ ریٹ پر آٹا فروخت کرنے کے پابندہیں، ذخیرہ اندوزی اور منافع خوری کرنیوالوں سے آہنی ہاتھوں سے نمٹا جائیگا ۔ انہوں نے فیصل آباد کے دورے کے دوران کہا کہ حکومت صنعتوں کے قیام کی ہرممکن حوصلہ افزائی کررہی ہے ۔