لاہور(سپورٹس ڈیسک) آسٹریلوی بیٹسمین ڈیوڈ وارنر کا کہنا ہے کہ ٹی 20 سیریز میں افتخار احمد نے ہر قسم کی بولنگ پر آزادانہ سٹروکس کھیلتے ہوئے خاصا متاثر کیا۔پی سی بی کی جانب سے جاری کئے جانے والے پوڈ کاسٹ میں گفتگو کرتے ہوئے ڈیوڈ وارنر نے کہا کہ بڑے سکور کے لیے پارٹنرشپ بنانا پڑتی ہے ، اگر پاکستان ایسا کرنے میں کامیاب ہوتا تو 180 تک مجموعہ حاصل کرکے ہمارے لئے مشکلات پیدا کر سکتا تھا، محمد موسٰی اور محمد حسنین بھی اچھے بولر ہیں، ان کے پاس اسپیڈ کا ہتھیار موجود ہے ، وقت کے ساتھ ان نوجوان پیسرز کو تجربہ بھی حاصل ہوگا، دونوں کا مستقبل روشن نظر آرہا ہے ۔