آئی جی پنجاب انعام غنی نے پولیس اہلکاروں کے لئے ہسپتال بنانے کا فیصلہ کیا ہے۔ فیصل آباد‘ گوجرانوالہ اور لاہور میں ہسپتال بنائے جائیں گے ۔ جگہ کے تعین کے لئے دو کمیٹیاں تشکیل دے دی گئی ہیں ۔پاکستان کے تمام سرکاری محکموں کے اپنے اپنے ہسپتال موجود ہیں، جہاں پر ان محکموں کے ملازمین اور ان کے خاندانوںکا مفت علاج ہوتا ہے جبکہ محکمہ پولیس جو ہمہ وقت فرنٹ لائن پر ہوتاہے اس کے ملازمین اپنی جانیں ہتھیلی پر رکھ کر امن قائم کرتے ہیں، ان کے لئے صوبہ بھر میں کوئی ہسپتال موجود نہیں ہے ۔ایمرجنسی کی صورت میں ملازمین اور ان کی فیملیز کو پرائیویٹ یا پھر سرکاری ہسپتالوں کا رخ کرنا پڑتا ہے جہاں پر پہلے ہی خلق خدا کا بے پناہ رش ہوتا ہے یوں پولیس اہلکاروں کو کئی کئی دن کی چھٹیاں لے کر اپنے یا فیملی کے علاج معالجے کا بندوبست کرنا پڑتا ہے ،اس حوالے سے آئی جی پنجاب کا یہ فیصلہ مستحسن ہے، اس منصوبے پر فی الفور برق رفتاری سے کام کرنا چاہیے ،جس طرح افواج پاکستان، واپڈا اور سوشل ویلفیئر کے اپنے ہسپتال ہیں، اسی طرز پر پولیس ملازمین کے لئے بھی ہسپتال بنا کر ان کی مشکلات کو دور کیا جائے۔ محکمہ پولیس کے پاس ویلفیئر فنڈز کا شعبہ موجود ہے ،اسی کے تحت اس منصوبے کو پایا تکمیل تک پہنچاکر پولیس اہلکاروں کے دیرینہ مسئلے کو حل کیا جائے۔
پنجاب : پولیس اہلکاروں کے لئے ہسپتال بنانے کا فیصلہ
منگل 16 فروری 2021ء
آئی جی پنجاب انعام غنی نے پولیس اہلکاروں کے لئے ہسپتال بنانے کا فیصلہ کیا ہے۔ فیصل آباد‘ گوجرانوالہ اور لاہور میں ہسپتال بنائے جائیں گے ۔ جگہ کے تعین کے لئے دو کمیٹیاں تشکیل دے دی گئی ہیں ۔پاکستان کے تمام سرکاری محکموں کے اپنے اپنے ہسپتال موجود ہیں، جہاں پر ان محکموں کے ملازمین اور ان کے خاندانوںکا مفت علاج ہوتا ہے جبکہ محکمہ پولیس جو ہمہ وقت فرنٹ لائن پر ہوتاہے اس کے ملازمین اپنی جانیں ہتھیلی پر رکھ کر امن قائم کرتے ہیں، ان کے لئے صوبہ بھر میں کوئی ہسپتال موجود نہیں ہے ۔ایمرجنسی کی صورت میں ملازمین اور ان کی فیملیز کو پرائیویٹ یا پھر سرکاری ہسپتالوں کا رخ کرنا پڑتا ہے جہاں پر پہلے ہی خلق خدا کا بے پناہ رش ہوتا ہے یوں پولیس اہلکاروں کو کئی کئی دن کی چھٹیاں لے کر اپنے یا فیملی کے علاج معالجے کا بندوبست کرنا پڑتا ہے ،اس حوالے سے آئی جی پنجاب کا یہ فیصلہ مستحسن ہے، اس منصوبے پر فی الفور برق رفتاری سے کام کرنا چاہیے ،جس طرح افواج پاکستان، واپڈا اور سوشل ویلفیئر کے اپنے ہسپتال ہیں، اسی طرز پر پولیس ملازمین کے لئے بھی ہسپتال بنا کر ان کی مشکلات کو دور کیا جائے۔ محکمہ پولیس کے پاس ویلفیئر فنڈز کا شعبہ موجود ہے ،اسی کے تحت اس منصوبے کو پایا تکمیل تک پہنچاکر پولیس اہلکاروں کے دیرینہ مسئلے کو حل کیا جائے۔
آج کے کالم
یہ کالم روزنامہ ٩٢نیوز میں منگل 16 فروری 2021ء کو شایع کیا گیا
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں