وزیر اعلیٰ پنجاب سردار عثمان بزدار نے بلوچستان کے دو وزراء کی قیادت میں آئے ہوئے وفد سے ملاقات میں کہا ہے کہ بڑے بھائی کی حیثیت سے پنجاب بلوچستان کی ترقی ،مدد اور معاونت کے لئے ہمہ وقت تیار ہے۔وزیر اعلیٰ کا کہنا تھا کہ ہم نے پنجاب کی آٹھ ویمن یونیورسٹیوں میں 360 سیٹیں بلوچستان کی طالبات کے لئے مختص کر دی ہیں۔ یہ ایک سیاسی و تاریخی حقیقت ہے کہ پنجاب نے ہمیشہ سے ہی باقی صوبوں کے لئے بڑے بھائی کا کردار ادا کیا ہے،خصوصاً بلوچ عوام کے لئے پنجاب میں محبت اور ہمدردی کے گہرے جذبات پائے جاتے ہیں۔اس میں بھی کوئی دو رائے نہیں کہ ماضی میں بلوچستان کی تعمیر و ترقی پر کوئی توجہ نہیں دی گئی،جس سے وہاں پر مایوسی کے احساسات نے جنم لیا۔موجودہ حکو مت نے پنجاب اور بلوچستان کو قریب لانے کے لئے کئی ترقیاتی منصوبے شروع کئے ہیں۔پنجاب کے تعلیمی اداروں میں بلوچ طلبہ کے لئے اضافی نشستوں کے کوٹے مختص کرنے سے دونوں صوبوں کے درمیان نہ صرف ہم آہنگی کو فروغ ملے گا بلکہ اس سے بلوچستان کے عوام کے دلوں سے اس احساس محرومی کا خاتمہ بھی کیا جا سکے گا،جو ماضی کے ادوار میں ہمارے بعض عاقبت نااندیشانہ فیصلوں کی وجہ سے پیدا ہوا۔وزیر اعلیٰ پنجاب کی طرف سے بلوچستان کی ترقی و خوشحالی اور تعلیم کے فروغ کے لئے کئے گئے اقدامات نہ صرف قابل تحسین ہیں بلکہ یہ صوبوں اور وفاق کے درمیان ہم آہنگی کے فروغ کے لئے وقت کی اہم ضرورت اور دوسرے صوبوں کے لئے بھی قابل تقلید ہیں۔
پنجاب‘بلوچستان کا بڑا بھائی
جمعه 27 نومبر 2020ء
وزیر اعلیٰ پنجاب سردار عثمان بزدار نے بلوچستان کے دو وزراء کی قیادت میں آئے ہوئے وفد سے ملاقات میں کہا ہے کہ بڑے بھائی کی حیثیت سے پنجاب بلوچستان کی ترقی ،مدد اور معاونت کے لئے ہمہ وقت تیار ہے۔وزیر اعلیٰ کا کہنا تھا کہ ہم نے پنجاب کی آٹھ ویمن یونیورسٹیوں میں 360 سیٹیں بلوچستان کی طالبات کے لئے مختص کر دی ہیں۔ یہ ایک سیاسی و تاریخی حقیقت ہے کہ پنجاب نے ہمیشہ سے ہی باقی صوبوں کے لئے بڑے بھائی کا کردار ادا کیا ہے،خصوصاً بلوچ عوام کے لئے پنجاب میں محبت اور ہمدردی کے گہرے جذبات پائے جاتے ہیں۔اس میں بھی کوئی دو رائے نہیں کہ ماضی میں بلوچستان کی تعمیر و ترقی پر کوئی توجہ نہیں دی گئی،جس سے وہاں پر مایوسی کے احساسات نے جنم لیا۔موجودہ حکو مت نے پنجاب اور بلوچستان کو قریب لانے کے لئے کئی ترقیاتی منصوبے شروع کئے ہیں۔پنجاب کے تعلیمی اداروں میں بلوچ طلبہ کے لئے اضافی نشستوں کے کوٹے مختص کرنے سے دونوں صوبوں کے درمیان نہ صرف ہم آہنگی کو فروغ ملے گا بلکہ اس سے بلوچستان کے عوام کے دلوں سے اس احساس محرومی کا خاتمہ بھی کیا جا سکے گا،جو ماضی کے ادوار میں ہمارے بعض عاقبت نااندیشانہ فیصلوں کی وجہ سے پیدا ہوا۔وزیر اعلیٰ پنجاب کی طرف سے بلوچستان کی ترقی و خوشحالی اور تعلیم کے فروغ کے لئے کئے گئے اقدامات نہ صرف قابل تحسین ہیں بلکہ یہ صوبوں اور وفاق کے درمیان ہم آہنگی کے فروغ کے لئے وقت کی اہم ضرورت اور دوسرے صوبوں کے لئے بھی قابل تقلید ہیں۔
آج کے کالم
یہ کالم روزنامہ ٩٢نیوز میں جمعه 27 نومبر 2020ء کو شایع کیا گیا
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں