واشنگٹن(این این آئی) واشنگٹن میں صدر ڈونلڈ ٹرمپ کے ملکیتی ہوٹل میں امریکی وزیرخارجہ مائیک پومپیو نے صدر کے بارے میں مزاحیہ پیرائے میں گفتگو کی ۔میڈیارپورٹس کے مطابق ٹرمپ انٹرنیشنل ہوٹل میں ویمن فار امریکہ گروپ کے زیر اہتمام تقریب سے خطاب کرتے ہوئے مائیک پومپیو نے ہوٹل کی عظمت کی طرف اشارہ کرتے ہوئے کہا یہ پرشکوہ عمارت اس بات کی علامت ہے کہ اس کا مالک کامیاب انسان بنا ہے ،میں ادھر ادھر دیکھتا ہوں، یہ ایک خوبصورت ہوٹل ہے اور اس کے مالک کو وہ جہاں بھی ہو کامیاب شخص ہونا چاہیئے ، ان کی بات سن کر وہاں خواتین کے قہقہے چھوٹ گئے ۔مائیک پومپیو نے اس امریکی اخبارپر تنقید کی جو طویل عرصے سے امریکی صدر کے پیچھے پڑا ہے ، مائیک پومپیو نے ہال میں موجود رپورٹرز کو بھی نشانہ بنایا۔