لاہور ( کلچرل رپورٹر) اداکارہ ثوبیہ خان نے کہا ہے کہ انسان جتنی مرضی ترقی کر لے لیکن اس کی سائنس اور ٹیکنالوجی خدا کے سامنے بے بس ہے ۔دنیا نے کبھی سوچا بھی نہیں تھاکہ ایک وائرس کی وجہ سے نظام تہس نہس ہو جائے گا ، کورونا سے دنیا میں ہلچل مچی ہوئی ہے ۔ ایک انٹرویو میں ثوبیہ خان نے کہا کہ انسان بیشک چاند اورمریخ پر پہنچ جائے لیکن اس کی ترقی خدا کی ذات کے سامنے کوئی اہمیت نہیں رکھتی ۔ موجودہ حالات میں مسلمانوں کو توبہ استغفار کرنا چاہیے اور نماز قائم کرنی چاہیے ۔خدا کی ذات سے دوری نے ہمیں اس نہج پر پہنچایا ہے لیکن ابھی بھی دیر نہیں ہوئی ،ہمیں خدا کی ذات سے رجوع کرنا چاہیے۔