پشاور(مانیٹرنگ ڈیسک) گورنر خیبر پختونخوا اقبال ظفر جھگڑا نے اپنے عہدے سے استعفیٰ دے دیا۔پشاور میں پریس کانفرنس کرتے ہوئیاقبال ظفر جھگڑا نے کہا جمہوریت کیلئے بھرپور جدوجہد کی، اپنی آئینی ذمہ داری پوری کی ہے ، استعفیٰ منظوری کیلئے صدر مملکت کو بھیج دیا ہے ۔بہت سنجیدہ حالات میں عہدہ سنبھالا ، ملٹری آپریشنز کا سلسلہ70 فیصد مکمل ہو چکا تھا۔آپریشن ضرب عضب سے قبائلی علاقوں میں امن قائم ہوا، بے گھر افراد کی واپسی اور بحالی سب سے بڑا چیلنج تھا، 97 فیصدآئی ڈی پیز واپس جا چکے ہیں۔انہوں نے مزید کہا 77 نئے پرائمری سکول کھولے ، 8 ہزار اساتذہ کی تربیت کی گئی اور اساتذہ کی 18 ہزار نئی آسامیاں بھی پیدا کی گئیں، قبائلی علاقوں میں بچوں کو فنی تعلیم دی گئی۔قبائلی اضلاع میں شاہراہ کی تعمیر نو یقینی بنائی گئی،قبائلی علاقوں میں7 نئے سٹیڈیم اور گراؤنڈ بنائے ۔ گورنر خیبرپختونخوا