لاہور(سپورٹس رپورٹر ) قذافی سٹیڈیم لاہور میں کھیلے جا رہے آسٹریلیا کیخلاف تیسرے اور فیصلہ کُن میچ میں قومی کرکٹ ٹیم کے سینئر بیٹر اظہر علی نے اہم سنگِ میل عبور کرلیا۔اظہر علی نے 94 ٹیسٹ میچز میں 7 ہزار رنز مکمل کرلیے ، اور اس طرح وہ ٹیسٹ کرکٹ میں پاکستان کی جانب سے سب سے زیادہ رنز بنانے والے کرکٹرز کی فہرست شامل ہوگئے ۔اظہر علی سات ہزار ٹیسٹ رنز کا ہندسہ عبور کرنے والے پاکستان کے پانچویں اور مجموعی طور پر 54ویں بیٹر بن گئے ۔ان کرکٹرز میں یونس خان ، جاوید میانداد، انضمام الحق اور محمد یوسف شامل ہیں۔